Gazeta Si – Komisioni i Disiplinës pranë FIFA-s ka vendosur të gjobisë Federatën Serbe të Futbollit me 50 mijë franga zvicerane, si dhe ta sanksionojë me mbyllje të pjesshme të stadiumit (25% e vendeve) për ndeshjen e radhës.
Ky vendim vjen pas asaj që ndodhi në Botërorin e Katarit në ndeshjen mes Serbisë dhe Zvicrës, ku pati diskriminim ndaj lojtarëve shqiptarë Granit Xhaka dhe Xherdan Shqiri.
Sipas argumentimit të FIFA-s, dënimi është dhënë për shkelje të neneve 13 (Diskriminimi) dhe 12 (Sjellja e pahijshme e lojtarëve dhe zyrtarëve) të Kodit Disiplinor të FIFA-s. Në atë ndeshje pati një sjelle fyese nga ana e tifozëve serbë, por edhe e të disa lojtarëve. Janë 7 lojtarë të Serbisë që janë sanksionuar në mënyrë individuale, por emrat e tyre nuk janë bërë të ditur.
Kujtojmë që ndeshja mes Serbisë dhe Zvicrës në grupet e Katar 2022 pati shumë tension. Granit Xhaka, kapiten i Zvicrës, u konfrontua disa herë me serbët e tërbuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
