Korrupsioni në majat e FIFA-s vazhdon të shfaqet me dënimin e dytë radhazi për 85-vjeçarin Sepp Batter. President i FIFA-s për 17 vjet, zvicerani është dënuar përsëri nga federata ndërkombëtare e futbollit për shkelje financiare, shtatë muaj para skadimit të skualifikimit të parë të miratuar nga vetë FIFA.
Blatter është me shëndet të dobët, për shkak se në dhjetorin e kaluar ai iu nënshtrua një operacioni në zemër. E megjithatë, ky fakt nuk e ka penguar FIFA-n të bëjë publik se Komiteti i tij i Etikës e ka dënuar Blatter dhe ish-sekretarin e përgjithshëm Jerome Valcke për gjashtë vjet dhe tetë muaj për parregullsi financiare në lidhje me dhënien e shpërblimeve kontraktuale me vlerë miliona dollarë. Të dy ish-zyrtarët e lartë të institucionit që qeveris futbollin botëror, e që përballen gjithashtu me ndjekje penale në Zvicër, do të fillojnë të vuajnë dënimet e reja kur të skadojnë ato aktuale.
Blatter dhe Valcke ishin pezulluar më parë për përkatësisht 6 vjet dhe 10 vjet. Ndalimi i parë i Blatter do të skadojë tetorin e ardhshëm, ndërsa ai i Valcke do të hyjë në fuqi në tetor 2025. Të dy u gjobitën me 1 milion franga zvicerane (1,07 milion dollarë) secili dhe u dënuan të paguanin brenda 30 ditësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
