.png)
Gazeta Si – Një 40-vjeçar në Fier, me rrezikshmëri të lartë shoqërore, u arrestua pasi ka kanosur për shkak të detyrës një punonjës policie të forcave të FNSH-së.
Sipas asaj që njofton policia, 40-vjeçari A.Xh., ishte me masë sigurie “arrest në shtëpi”, me mbikëqyrje policore 24 orë.
Ai akuzohej për veprat penale “Trafikimi i armëve dhe municionit luftarak”, “Largimi i të burgosurit nga vendi i qëndrimit”, “Rrëmbimi ose mbajtja peng e personit”, të kryera në bashkëpunim dhe “Vrasja e punonjësve të Policisë së Shtetit”, e mbetur në tentativë.
Një ditë më parë, 40-vjeçari ka kanosur duke ofenduar dhe kërcënuar punonjësin e policisë, i cili ishte në shërbim, në mbikëqyrje të tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
