.png)
Nga Gazeta Si- Një ngjarje e rëndë kriminale është shënuar në një familje në Fier mbrëmjen e së mërkurës, ku vajza E. R. 26 vjeç mbyti me tel babain e saj A. R. 56 vjeç.
Vajza ka vrarë babain duke e mbytur me tel, çka i ka shkaktuar vdekjen e menjëhershme.
Në dijeni të krimit të rëndë ishte edhe mamaja e vajzës, pra bashkëshortja e të ndjerit, teksa të dyja bashkë pas vrasjes tentuan të fshihnin ngjarjen duke pastruar trupin e viktimës.
Pasi vrau të atin, vajza telefonoi pas dy orësh policinë duke pretenduar se babai kishte humbur jetën si pasojë e një ngjarje aksidentale.
Por gjatë marrjes në pyetje dhe deponimit të saj para grupit hetimor të Policisë së Fierit, hetuesit dyshuan mbi vërtetësinë e thënieve të 26-vjeçares, ku më pas zbuluan krimin.
Vajza ka pohuar në polici se e ka vrarë babain e saj sepse e urrente.
“I mbante lekët për vete. Nuk me blinte as rroba, asgjë. As nuk më linte të vishem si doja unë. Me ka nxirë jetën”, ka thënë vajza pasi ka pranuar vrasjen.
Ndërkohë nuk është ankuar për dhunë të asnjë lloj forme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
