Gazeta Si – Federata Ndërkombëtare e Automobilizmit (FIA) ka konfirmuar se Red Bull dhe Aston Martin kanë shkelur rregullat e limitit të kostove (Budget Cap). Tavani i shpenzimeve, që hyri në fuqi vitin e kaluar, nuk është respektuar nga këto dy skuderi. Për momentin FIA nuk bën të ditur çfarë msash do të merren.
Skuderia që fitoi Botërorin e pilotëve me Maks Vershtapen dhe udhëheq atë të konstruktorëve, ka bërë një shkelje prej më pak se 5% të ‘Budget Cap’, si dhe një shkelje proceduriale. Për Aston Martin ka vetëm një shkelje proceduriale.
Nuk janë komunikuar ende nga FIA sanksionet eventuale për këto dy skuadra. Në hetim ishte përfshirë edhe Uilliams, që në fakt kishte paguar pranverën e kaluar një gjobë në lidhje me paraqitjen me vonesë të të dhënave për shpenzimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
