.png)
Gazeta Si – Tetë qytetarë janë proceduar penalisht në gjendje të lirë, pasi mbrëmjen e të hënës u bënë protagonist me festën e tyre me muzikë popullore, birra dhe kërcime para Bllokut të Sigurisë në kryeqytet, ku po mbahet në paraburgim kryebashkiaku i Tiranës, Erion Veliaj i akuzuar për korrupsion dhe pastrim parash nga SPAK.
Festa e tyre për arrestimin e Veliajt dhe shprehja hapur e mbështetjes për vendimin e Prokurorisë së Posaçme, sipas policisë ka prishur qetësinë publike.
Policia njofton se grupi prej 8 personash nuk iu janë bindur urdhrave të punonjësve të policisë për t’u larguar.
“Specialistët për Hetimin e Krimeve të Komisariatit të Policisë Nr. 3 referuan materialet në Prokurori ku nisi procedimi në gjendje të lirë për veprat penale “Prishja e qetësisë publike” dhe “Mosbindja ndaj urdhrit të punonjësit të policisë”, për shtetasit S.L., E.V., M.D., B.L., A.K., K.M., A.B. dhe A.K., pasi më datë 11.02.2025, rreth orës 00:30, në rrugën “Mine Peza”, kanë prishur qetësinë publike dhe nuk iu janë bindur urdhrave të punonjësve të Policisë, për t’u larguar”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
