.png)
Nga Gazeta Si- I dhunuar dhe me plagë të shumta në trup, kështu u gjet viktima në Durrës mbrëmjen e djeshme.
Rreth orës 19:30, shërbimet e Policisë u njoftuan se në një banesë në lagjen nr. 12 të qytetit ishte gjetur pa shenja jete Valbon Beqiri, i njohur edhe me emrin Marko Beqiri, 51 vjeç, baba i një djali.
Nga ekspertiza paraprake mjekoligjore, rezultoi se viktima kishte shenja dhune dhe plagë të shkaktuara me thikë, të cilat dyshohet se i kanë shkaktuar vdekjen.
Pas dorëzimit të autorit të dyshuar, është zbardhur edhe ngjarja.
Një festë e organizuar në apartamentin e viktimës është kthyer në tragjedi.
Herë pas here viktima ftonte miq dhe konsumonin pije e lëndë narkotike, gjë që ka ndodhur edhe mbrëmë.
Dyshohet se nën efektin e narkotikeve autori i dyshuar, një i ri rreth moshës 24-vjeçare ka nisur të godasë viktimën fizikisht e më pas me thike.
Autori, sipas burimeve nga grupi hetimor, nuk njihet si person problematik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
