Gazeta Si – Festa e Milanit ka mbledhur në shesh tifozët kuqezi, por ka rikthyer edhe polemikat. Në autobusin e zbuluar që shëtiste në Milano, u shfaq banderola anti-Inter. Një mesazh i njohur për zikaltrit.
Polemika e parë pas festimeve të titullit nga Milani ka një shije… antike. Në autobusin e festimeve u shfaq sot banderola “La Coppa Italia mettila nel c…” (Kupën e Italisë futeni në by***).
Një mesazh referuar trofeut të fituar nga Interi, i dyti në kampionat. Kjo banderolë është shfaqur për herë të parë nga Ambrozini, kur Milani fitoi për here të fundit Ligën e Kampionëve. Sot u rishfaq te festa e Milanit.
Precedenti lidhet me vitin 2007, kur Milani u ngjit në fronin e Europës. Mundi Liverpulin në Athinë dhe fitoi Championsin. Gjatë festës kjo banderolë e tifozëve u mor në duar nga Masimo Ambrozini.
Atë sezon, i pari post-Calciopoli, pati polemika të mëdha, sidomos mes Materacit dhe Ambrozinit. Këtë herë banderola, e rikthyer me shumë mundësi nga tifozët, u mbajt sërish nga lojtarët në autobusin e zbuluar.
Nga pamjet e para duket se atë e mbajnë në duar Maignan dhe Kruniç, në mes të Zhiru dhe Rebiç. Më pas banderola u hoq që aty dhe festa e Milanit vazhdoi me koret e lojtarëve dhe tifozëve.
🎥 On our way to the big celebration 🏍️#AlwaysWithYou #SempreMilan pic.twitter.com/978zEluExA
— AC Milan (@acmilan) May 23, 2022
Në një moment tjetër, në duart e Ante Rebiç u shfaq një tjetër banderolë ironike. Këtë herë në shënjestër ishte trajneri i Interit, Simone Inzagi. Në imazhin e trajnerit ishte shkruar “Spiaze” (më vjen keq).
Festa e Milanit ka rikthyer kështu vitin 2007. Edhe pse kuqezinjtë këtë herë nuk kanë fituar kupën me veshë të mëdhenj, por titullin kampion në Serinë A.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
