.png)
Gazeta Si – Tani është zyrtare: Ljuis Hemilton do të garojë për Ferrarin, duke nisur nga viti 2025. Ka ardhur edhe njoftimi i skuderisë italiane menjëherë pas komunikatës së Mercedesit për ndarjen me pilotin britanik në fund të 2024-ës.
Team Statement
— Scuderia Ferrari (@ScuderiaFerrari) February 1, 2024
Scuderia Ferrari is pleased to announce that Lewis Hamilton will be joining the team in 2025, on a multi-year contract. pic.twitter.com/moEMqUgzXH
“Skuderia Ferrari është e lumtur të njoftojë se Ljuis Hemilton do të bashkohet me skuadrën tonë në 2025-ën, me një kontratë shumëvjeçare”, – shkruhet në njoftimin e skuderisë nga Maranelo.
Hemilton do të marrë vendin e Karlos Sainz te Ferrari. Piloti spanjoll ka bërë një postim, ku thekson se do të japë gjithçka në këtë sezon të fundit me Ferrarin.
“Siç është bërë e ditur sot, Ferrari dhe unë nuk do të vazhdojmë së bashku pas 2024-ës. Kemi përpara një sezon të gjatë dhe unë, si gjithmonë, do të jap gjithçka për skuadrën dhe për tifozët në gjithë botën. Për të ardhmen time do të njoftoj kur të vijë momenti”, – shkruan Sainz.
Konfirmohet kështu gjithçka që ishte paralajmëruar mëngjesin e kësaj të enjteje. Shtatë herë kampioni i botës në Formula 1 do të garojë me Ferrarin në 2025-ën, duke u larguar nga Mercedesi, ku ka kaluar një periudhë të artë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
