.png)
Gazeta Si – Paraqitja zhgënjyese në Silverston nuk e ka fshehur gjithsesi stabilitetin e makinës, që ndikoi në konsumimin më të paktë të gomave. Në një pistë si ajo e Hungaroring pritet një paraqitje më e mirë, më pas një paketë e re për garën e Spa.
Gara e Ferrarit në Silverston ngriti një pikëpyetje: A ka gabuar drejtim kjo skuderi me zhvillimin e makinës? Pas paraqitjeve të mira në Kanada dhe Austri, prova në një cirkuit të shpejtë si ai i Silverston nuk u kalua me sukses dhe tifozët kanë dyshime për rrugën e ndjekur. Tani ata pyesin: Çfarë mund të presim në Hungari dhe Belgjikë?
Pavarësisht rezultatit final, nuk është korrekte që përgjegjësitë t’i faturohen të gjitha SF-23. Për një gjykim të saktë duhet analizuar situata midis paraqitjes në kualifikuese dhe përfundimit të garës.
SF-23, pavarësisht të gjithave, ka treguar një qëndrim më të mirë dinamik dhe aerodinamik pikërisht në Angli, pistën me 3 kthesa të shpejta. Dhe kjo është diçka pozitive për të pasur pritshmëri më të mëdha në Hungari, ku makina mund të adaptohet më mirë. Konsumimi i gomave nuk duket më një problem dhe pritet që Ferrari të bëjë një hap përpara në garë.
Në Hungari pritet të debutojë një version i riparë dhe i rregulluar i anës së pasme të makinës.
Për garën e Belgjikës ndërkohë pritet një paketë e fundit aerodinamike për ngarkesë më të ulët karburanti. Në pistën belge, ekuilibri i makinës luan një rol rol shumë të rëndësikshëm në raport me gjatësinë e pistës, që imponon një administrim më efikas të gomave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
