Gazeta Si – Sërish në timonin e Ferrarit, 3 ditë pas garës së Arabisë Saudite, ku ai debutoi në Formula1 dhe zuri vendin e 7-të, duke marrë 6 pikët e para në karrierë. Oliver Bearman zbriti në pistë në Fiorano me F1-75, praktikisht ‘gjyshja’ e SF-24, që piloti i ri drejtoi në Jedah.
Bëhet fjalë për një test të programuar, por në të njëjtën kohë e lejon 18-vjeçarin të bëjë ‘nxemjen’, nëse Karlos Sainz (që ka operuar apendicitin të shtunën e kaluar) nuk do të jetë gati për fundjavën e garës së Australisë, nga e premtja e 22 marsit deri të dielën e 24 marsit. Në çdo rast, Bearman do të jetë aty për etapën “Down Under” të kampionatit të Formula 2.
Për testet në Fiorano, sipas rregullores së Ferrarit, Oliver Bearman duhet të kënaqet me makinën e përdorur nga Leklerk dhe Sainz në Botërorin e 2022-shit, i pari i rregullores së re teknike. Kështu që është shumë aktual dhe funksional.
Couldn't get enough of an @F1 car @OllieBearman? 😏 We've got Ollie testing the F1-75 in Fiorano today as part of our previous car testing programme pic.twitter.com/asmFA8EgIa
— Scuderia Ferrari (@ScuderiaFerrari) March 13, 2024
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
