Nga Gazeta 'Si' - Ish-kryeministri Sali Berisha e konsideron ligjin e faljes së gjobave për ndërtimet pa leje në zonat rurale si “ligjin e blofit”.
Në mbledhjen e grupit parlamentar të PD, Sali Berisha u shpreh se kur PD të vijë në pushtet do t’u kthejë qytetarëve të gjitha paratë që i kanë paguar në formën e gjobave.
LEXO EDHE:
- Kujt do ia falë gjobat Partia Socialiste / Projektligji i ri fshin detyrimet e ndërtimeve pa leje në fshatra që prej 2015-s
- Pr/ligji për heqjen e gjobave, Balla: Në linjë me nisma të ngjashme në vendet e BE-së. Opozita: Krijon pabarazi!
“Ligji i blofit ishte ligji i faljes së gjobave që nuk janë gjoba. Asgjë gjobë e vendosur bazuar në atë nen të rrëzuar nga Gjykata Kushtetuese jo vetëm që nuk mund të kërkohet, por detyrohet shteti që t’ia riktheje. Garantoj se qeveria e PD do t'i riktheje ato gjoba, qindarkë për qindarkë, kushdo që ka paguar gjobë sipas atij neni do të marrë paratë mbrapsht.
Ne do të kërkojmë faljen e të gjitha gjobave dhe kamatëvonesave që ekzistojnë për energjinë elektrike, për të gjitha shtresat në nevojë dhe bizneset e vogla. Pa përjashtim.
Në 100 ditët e para do përcaktohet kuadri i ri ligjor i pagesave të energjisë në përputhje me rrogat dhe pensionet”, tha ndër të tjera kreu i PD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
