.png)
Gazeta Si – Moti i keq në zonën e Emilia Romanjas kishte ngritur alarmin para garës së fundjavës në Imola. Tani vjen edhe lajmi zyrtar se kjo garë është anuluar për shkak të përmbytjeve në vendin fqinj. Organizatorët kishin kërkuar nga përfaqësuesit e medias të mos shkojnë në cirkuit për çështje sigurie dhe pavarësisht përpjekjeve, nuk ia kanë dalë.
Autodromi i Imolas kaloi natën më kritike të javës së Çmimit të Madh të Formula 1. Pas evakuimit të zyrave dhe dyqaneve në zonën pas bokseve, të kërkuar nga autoritet, vërshimi i lumit Santerno nuk solli dëme të mëdha në zonën pranë pistës, por situata mbeti fluide dhe përfundimisht u vendos për anulimin e Çmimit të Madh të Emilia Romanjës.
Mëngjesin e sotëm impianti ishte ende i mbyllur dhe kjo ngadalësoi gjithçka që shoqëron përgatitjet në dy zonat e pistës. Drejtuesit e FIA-s dhe autoritetet lokale ishin në kontakt të shpeshtë për lëvizjet që duheshin bërë. Xhankarlo Minardi, president i Formula Imola, dhe Pietro Benvenuti, drejtor i autodromit, dhanë deklarata të kujdesshme dhe optimiste, por ishte e pamundur në këto kushte.
F.1 dha sot udhëzime që media të mos paraqitej në cirkuit, pas sugjerimit të autoriteteve lokale. Një masë për të parandaluar çdo rrezik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
