Pak pas mbylljes së orarit zyrtar të qendrave të votimit në Kosovë, mediat në Kosovë kanë publikuar edhe exit pollet e para të realizuara nga intervistuesit në vendvotime.
Sipas një Exit Poll të realizuar nga Klan Kosova, Lëvizja Vetëvendosje (VV) i prin këtyre zgjedhjeve me 41.8%, duke marrë kështu më shumë se dyfishin e votave në krahasim me partitë e tjera të mëdha.
Partia e dytë me numrin më të madh të votave sipas parashikimeve është Partia Demokratike e Kosovës (PDK) me 16.5% të votave. E treta me numër të afërt të votave është partia në pushtet, Lidhja Demokratike e Kosovës (LDK) me 15.2% të votave.
Aleanca për Ardhmërinë e Kosovës e Ramush Haradinaj ja vjen e katërta ku mori vetëm 7.2% të votave, ndërkohë që në zgjedhjet e fundit kishte 11.5%.
Nisma në këtë Exit Poll merr vetëm 2.6% dhe nuk e kalon pragun për t’u futur në Kuvend. Ky Exit Poll nuk ka anketuar diasporën, megjithatë ka anketuar 9450 persona në 27 komuna.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
