.png)
Janë golat e Kristiano Ronaldos, Romelu Lukakut, magjitë e Pol Pogba, loja zbavitëse e Italisë dhe Holandës, por ajo që e karakterizon Euro 2020 është një rekord i një natyre tjetër, rekordi i autogolave. Deri tani janë shkaktuar 8 autogola, një shifër shumë e lartë, aq më tepër që bëhet fjalë vetëm për ndeshjet në grup.
Jo vetëm që nuk janë shënuar kurrë më parë kaq shumë autogola në një edicion të vetëm, por që nga 1960-a deri në 2016-ën, në 15 edicionet e mëparshme, janë regjistruar në total 9 autogola.
Rritja në 24 e numrit të skuadrave pjesëmarrëse, rrjedhimisht edhe rritja e numrit të ndeshjeve, sigurisht që ndikuar në këtë drejtim, por numri aktual i autogolave është vërtet i pabesueshëm.
Pas autogolit të Demiralit ndaj Italisë në ndeshjen inauguruese të Euro 2020, e kanë dërguar topin në rrjetën e tyre edhe Shezni (kundër Sllovakisë), Humels (kundër Francës), Ruben Dias dhe Guerreiro (të dy kundër Gjermanisë), Hradecki (kundër Belgjikës), Dubravka dhe Kuçka (të dy kundër Spanjës).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
