.png)
Sopranoja shqiptare me famë ndërkombëtare, Ermonela Jaho është shpallur nga Çmimet Ndërkombëtare të Muzikës Klasike 2023 si “Artistja e vitit”.
Lajmin e ka bërë të ditur vetë faqja e njohur e çmimeve ICMA, e cila e konsideron Jahon si një soprano me një zë të lavdishëm dhe me një estetikë të pastër vokale.
“Artistja e vitit Ermonela Jaho, soprano me bukurinë unike të zërit të saj të lavdishëm, që shkëlqyeshëm i vezullon. Ermonela Jaho magjeps me estetikën e saj të pastër vokale. Por kjo është vetëm njëra anë e artit të madh të këngëtares, ana tjetër është prania e saj teatrale elektrizuese. Pak këngëtarë arrijnë një shkallë kaq të lartë identifikimi me rolet e tyre, një vërtetësi kaq totale dhe një emocion thellësisht prekës. Pasi del në skenë, Ermonela Jaho hedh si një mantel personalitetin e saj dhe mishëron plotësisht personazhin që duhet të interpretojë”, thuhet në njoftimin për sopranon shqiptare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
