Gazeta Si – Lëvizje jo vetëm në tregun e futbollistëve, por edhe atë të drejtuesve të klubeve të futbollit. Erjon Bogdani, ish-sulmuesi i Kombëtares dhe disa skuadrave në Itali, pritet të ndjekë rrugën e Igli Tares.
Emri i Bogdanit ka dalë së fundi në shtypin italian si një drejtues i mundshëm në klubin e Salernitanës, në sektorin e të rinjve, ku po përgatitet një revolucion. Salernitana është një nga klubet, ku Bogdani ka luajtur gjatë karrierës së tij në shtetin fqinj, përveç Rexhinës, Veronës, Kievos, Sienës, Livornos dhe Çezenës.
Pasi la futbollin e luajtur, Erjon Bogdani, golashënuesi më i mirë i Kombëtares shqiptare me 18 gola, ka provuar edhe rolin e trajnerit te Shqipëria U-19. Tani është gati për një aventurë të re, atë të një drejtuesi klubi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
