.png)
Lajme të mira për Kristian Eriksen. Mesfushori danez ka lënë të premten spitalin ku ishte shtruar në Kopenhagen, pas incidentit të ndeshjes me Finlandën.
Federata Daneze e Futbollit ka bërë një postim në lidhje me të rejat e fundit për gjendjen e tij shëndetësore, ku shkruan: “Kristian ka kryer me sukses operacionin dhe ka dalë nga “Rigshospitalet”. Ai po ashtu ka kaluar për të përshëndetur skuadrën në grumbullimin e Helsingor dhe është kthyer në shtëpi për të qëndruar me familjen e tij”.
Christian Eriksen has been discharged from the hospital. More here ⬇️#ForDanmark pic.twitter.com/jzF338XiC1
— DBU – En Del Af Noget Større (@DBUfodbold) June 18, 2021
Futbollisti i Interit ka përshëndetur dhe falënderuar tifozët për mbështetjen që i kanë dhënë. “Ju falënderoj për numrin e madh të mesazheve që më keni dërguar. Ishte e pabesueshme. Operacioni shkoi mirë dhe unë ndihem mirë, pavarësisht të gjitha rrethanave. Ishte shumë bukur të takoja shokët e skuadrës. Do të jem në krah të tyre gjatë ndeshjes me Rusinë”, – ka shkruar Eriksen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
