Gazeta Si – Një sulm i ri ndaj kryeministrit izraelit Benjamin Netanjahu ka nisur nga presidenti turk Rexhep Tajip Erdogan.
Gjatë një tubimi të organizuar në sheshin “Cumhuriyet” në Kayseri, kryeqyteti i provincës së Anadollit Qendror me të njëjtin emër, presidenti Erdogan foli për Gazën në fjalimin e tij dhe tha për Netanjahun: “Ne i besojmë Zotit tonë një personi të quajtur Netanjahu. Zoti ynë e shkatërroftë dhe ta bëjë të mjerë”, lexohet në faqen e gazetës “Yeni Safak”.
Por reagimi i Izraerlit ka qenë i menjëhershëm pas kësaj deklarate. Ministri i Jashtëm izraelit, Israel Katz, thirri zëvendësambasadorin turk për “një qortim të ashpër” për fjalët e presidentit Erdogan.
“Ju mbështesni vrasësit e fëmijëve, përdhunuesit dhe gjymtuesit e trupave të shkaktuar nga kriminelët e Hamasit”, tha Ministri i Jashtëm i Izraelit, duke iu drejtuar Erdoganit.
“Nuk ka Zot që do t’i dëgjojë ata që mbështesin mizoritë dhe krimet e kryera kundër njerëzimit nga miqtë tuaj barbarë të Hamasit. Heshtni dhe kini turp!”.
Erdogan ka qenë shumë kritik ndaj sulmeve izraelite në Rripin e Gazës dhe së fundmi në Rafah. Kjo nuk është hera e parë që presidenti turk sulmon Netanjahun pas nisjes së ofensivës izraelite në Gaza.
Para pak javësh, Erdogan e quajti Netanjahun një “kriminel”, duke e krahasuar me Hitlerin. Ndërkohë, Sekretari Amerikan i Shtetit, Antony Blinken ndodhet në Izrael për të diskutuar termat e mundshme të një armëpushimi, në dukje i pamundur, midis Izraelit dhe Hamasit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
