.png)
Gazeta Si – Volejbollistja e njohur shqiptare, pjesë e Kombëtares kuqezi, Erblira Bici, do të luajë me Romën edhe sezonin e ardhshëm. Sportistja 27-vjeçare ka rinovuar me këtë skuadër, që merr pjesë në Serinë A1.
Bici ishte pikëshënuesja më e mirë e skuadrës sezonin e kaluar dhe ‘Lojtarja më e mirë’ e finales s Kupës së Italisë. Ajo e mbylli sezonin me një rendiment mjaft të mirë në sulm dhe në mur.
Volejbollistja shqiptare regjistron në palmaresin e saj 4 tituj kampion në Shqipëri, 5 Kupa të Shqipërisë, 1 Kupë Italie në A1 dhe 1 në A2 me Romën, 1 Champions League dhe 1 titull në A2 po me Romën). Bici është një nga lojtaret më të rëndësishme të Kombëtares shqiptare që prej vitit 2014.
Në Itali ka luajtur edhe për Novarën 2018/19, Busto Arsizio 2019/20 dhe Cuneo 2020/21 në Aerinë A1. “Jam shumë e lumtur që doi të vazhdoj me Romën, një projekt që ka nisur sezonin e kaluar me rezultate shumë të mira. Jam krenare që vazhdoj me objektivat e arritura nga një grup i shkëlqyer.
Përveç Romës së bukur si qytet, kam gjetur njerëz të zotët, seriozë dhe me vlera. Jam e ndërgjegjshme për sfidat që sjell një kampionat i nivelit të lartë, por jam e bindur se Roma meriton të qëndrojë në këtë kategori”, – ka thënë Bici mes të tjerash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
