Spanja ndeshet nesër me Shqipërinë dhe trajneri i saj, Luis Enrike, është shprehur se dëshiron që skuadra të jetë në lartësinë e duhur për të bërë festë ndeshjen në “RCDE Stadium”. Ai nuk ka folur për Shqipërinë, por ka vlerësuar grupin e lojtarëve që drejton, sidomos personalitetin e tyre.
“Stadiumi nesër do të jetë i mbushur në kapacitetin e tij maksimal, kështu ka qenë herën e fundit që kam luajtur në Barcelonë. Ishte një nga ndeshjet e mia më të mira, shpresoj që edhe nesër të jetë një festë. Do të jetë festë në Katalonjë dhe shpresoj të jemi në lartësinë e duhur. 18 vite pa luajtur në Katalonjë është një kohë e gjatë.
Të rinjtë në kombëtare? Unë bëj listën e lojtarëve dhe nuk mendoj për moshën. Kemi një grup me lojtarë me eksperiencë dhe lojtarë të rinj. Po përgatitemi për Kupës së Botës, që është një kompeticion shumë i rëndësishëm dhe kompleks. Megjithatë, me personalitetin që kanë lojtarët e Spanjës, mund të mundim çdo kundërshtar”, – tha trajneri Luis Enrike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
