Gazeta Si – Në një moment historik vështirësish të mëdha ja ku vjen një buzëqeshje e vogël për Ukrainën. Ëndrra e Botërorit Katar 2022 vazhdon. Ukraina mundi 1-3 Skocinë në Gllasgou dhe tani është vetëm një hap larg suksesit.
Kombëtarja e drejtuar nga trajneri Petrakov ka fituar mundësinë të shkojë në finalen e ‘play-off’-it ndaj Uellsit. Nëse e fiton edhe këtë ndeshje, ëndrra e Botërorit realizohet.
Fitorja 1-3 në fushën e Skocisë mban firmat e Jarmolenko, Jaremçuk dhe Dovbik. I kotë goli i MekGregor, që vjen vetëm për statistikë për skocezët. Finalja me Uellsin luhet të dielën në Kardif.
Ndeshja Skoci-Ukrainë duhej të luhej në mars, por u shty për shkak të pushtimit rus.
Në Gllasgou Ukraina ishte padrone e fushës. Përveçse shënoi tre gola, dominoi në lojë dhe e meritoi plotësisht kalimin në finale. Ëndrra është shumë afër realizimit, ka edhe një pengesë të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
