.png)
Gazeta Si – Ishte zbulimi i Botërorit të Katarit, ku fitoi Argjentina e tij. Protagonist në formacionin e trajnerit Skaloni, duke merituar edhe çmimin e lojtarit të ri më të mirë të kompeticionit. Enco Fernnadez është një lojtar i lakmuar nga të gjithë tashmë.
Mesfushori i Benfikës po ndiqet nga klubet më të mëdha të Europës. Është një lojtar me kualitet dhe moshë të re, ndaj dhe të gjithë duan ta rrëmbejnë, duke ia rritur vlerën ndjeshëm. Klubi portugez ndërkohë ka bërë me dije se nuk e lëshon argjentinasin për më pak se 120 milionë euro.
Sipas ‘TycSports’, Benfika ka refuzuar ofertën e parë të Liverpulit prej rreth 100 milionë eurosh. Ankandi për Fernandez është i hapur dhe e sigurt është se shumë shpejt ai do të ndërrojë kampionat. Me shumë mundësi, e ardhmja e tij do të jetë në Premier Ligë, kampionati me klubet më të pasura, që janë gati të bëjnë çmenduri për yllin e ri argjentinas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
