.png)
Rregullatori i shëndetit i Bashkimit Evropian (EMA) ka miratuar të enjten dhënien e një doze përforcuese Pfizer për adoleshentët e moshës 12 vjeç e lart, si dhe përdorimin e zgjeruar të Moderna’s për fëmijët e moshës gjashtë deri në 11 vjeç.
Rekomandimet e Komitetit të Agjencisë Evropiane të Mjekësisë (EMA) për Produktet Medicinale për Përdorim Njerëzor do të pasohen nga vendimet përfundimtare të Komisionit Evropian.
Miratimi vjen në një kohë pasi disa vende të BE-së tashmë kanë filluar të ofrojnë doza përforcuese të vaksinës Pfizer/BioNTech për adoleshentët.
Komiteti i vaksinave i Gjermanisë në janar rekomandoi që të gjithë fëmijët e moshës 12 deri në 17 vjeç të marrin një përforcues, pas vaksinimit fillestar me dy doza. Kombet e tjera në rajon ndoqën të njëjtin shembull.
Qendra Evropiane për Parandalimin dhe Kontrollin e Sëmundjeve (ECDC) tha në një raport të këtij muaji se 10 vende në Zonën Ekonomike Evropiane, e cila përfshin 27 vendet anëtare të BE-së plus Lihtenshtajni, Islanda dhe Norvegjia, kishin rekomanduar tashmë një dozë përforcuese për ata nën 18-vjeç.
“Vendimi i shteteve anëtare nëse dhe kur do të ofrojë përforcues në këtë grup-moshë do të duhet të marrë parasysh faktorë të tillë si përhapja dhe ashpërsia e mundshme e sëmundjes tek të rinjtë dhe rreziku i njohur i efekteve anësore si miokarditi i ndërlikimeve të rralla të zemrës”, tha EMA.
Agjencia rekomandoi gjithashtu miratimin e vaksinës Covid-19 të Moderna të enjten për përdorim te fëmijët e moshës 6 deri në 11 vjeç.
Burimi:Reuters/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje