.png)
Pasi mori çmimin e parë një vit më parë në Festivalin e 61-të të Këngës, Elsa Lila rikthehet sërish në garë. Ajo do të konkurrojë me këngën “Mars” në festivalin që fituesin e dërgon në garën e madhe të Eurovision.
Elsa Lila mori famën e madhe pikërisht në skenën e këtij festivali, duke fituar zemrat e publikut në vitin 1996 kur edhe fitoi vendin e parë në këtë garë me këngën “Pyes lotin”.
Në vitin 1997, Elsa Lila ripërsëriti garën në Festivalin e Këngës në RTSH dhe triumfoi përsëri me këngën “Larg urrejtjes”.
Viti 2022 e riktheu pas kaq shumë vitesh Elsa Lilën në skenën e RTSH-së me këngën “Evita”.
Në edicionin e 62-të të këngës duket se gara do të jetë e fortë, me emra si Elsa Lila, Shpat Deda, Big Basta dhe Vesa Luma, Kejsi Tola, Samanta Karavello apo Besa Kokëdhima që do të garojnë për çmimin e parë.
Këtë vit numërohen mbi 80 krijime muzikore të përgatitura nga kompozitorë, tekstshkrues dhe artistë shqiptarë jo vetëm nga Shqipëria, por edhe nga treva të tjera si Kosova, Maqedonia e Veriut, Gjermania, Suedia, Italia dhe Amerika që aplikuan për të qenë në festival, ku së fundmi u shpall dhe lista me emrat pjesëmarrës.
Një vit më parë, Shqipëria u përfaqësua në Eurovision nga Albina dhe familja Kelmendi, të cilët u shpallën fitues nga votat e publikut.
Lista e artistëve pjesëmarrës:
Besa Krasniqi – Esenciale
Eldis Arnjeti – Një kujtim
Elsa Lila – Mars
Erina dhe The Elementals – Jetën n’Skaj
Jasmina Hako – Ti
Jehona Ponari – Evol
Olimpia Smajlaj – Asaj
Sergio Hajdini – Uragan
Shpat Deda – S’mund të fitoj pa ty
Tri Gjoci – Në ëndërr
Martina Serreqi – Vetëm ty
Big Basta dhe Vesa Luma – Mbinatyrale
Festina Mejzini – Melos
Mal Retkoceri – Çmendur
Michela Paluca – Për veten
Santino De Bartolo – Dua të rri me ty
Stivi Ushe – Askush si ty
Kleansa Susaj – Pikturë
Kejsi Tola – Vallëzoj me dritën
Kastro Zizo – 2073
Andi Tanko – Herë pas here
Anduel Kovaci – Nan’
Arsi Bako – Zgjohu
Besa Kokëdhima – Zemrën n’dorë
Bledi Kaso – Çdo gjë mbaroi
Melodajn Mancaku – Nuk jemi ne
Olsi Ballta – Unë
Troy Band – Horizonti i ëndrrave
Samanta Karavello – N’majë
Luan Durmishi – Përsëritja
Sardi Struga – Boshatisur
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
