Elena Ribakina dhe Arina Sabalenka, dy finalistet e Australian Open

16:35 - 26 Janar 2023

Gazeta Si – Tenistja kazake, fituese e Uimbëlldonit edicionin e fundit, mundi në gjysmëfinale Azarenkën 7-6 dhe 6-3. I njëjti rezultat edhe për bjelloruesen, që eliminoi polaken Linete dhe do të luajë finalen e parë në një Slam.

Stunning, Sabalenka 🙌

The No.5 seed will play Elena Rybakina for the women's singles title!@SabalenkaA • @wwos • @espn • @eurosport • @wowowtennis • #AusOpen • #AO2023 pic.twitter.com/gjjCFJZ0SD
— #AusOpen (@AustralianOpen) January 26, 2023

Elena Ribakina dhe Arina Sabalenka janë finalistet e Australian Open, turneut të parë Slam të vitit. Ato janë kualifikuar pas dy gjysmëfinaleve shumë të ngjashme, të mbyllura në dy sete. Kazakja mundi Azarenkën 7-6 dhe 6-3, duke dominuar në pjesën e dytë, pasi kishte vuajtur në të parën. Tani do provojë të fitojë një tjetër Slam, pas Uimbëlldonit.

Finalja e parë do të jetë për Sabalenkën. Bjellorusja fitoi ndaj polakes Linete 7-6 dhe 6-2. Ajo ishte ndalur gjithmonë në gjysmëfinale, por këtë herë ia doli të shkojë në aktin final. Edhe këtë herë koka e serisë numër 5 vuajti, por e arriti atë që donte, duke i dhënë fund ecurisë mjaft të mirë të polakes.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.