Gazeta Si – Jetlira Elezi, 37-vjeçe mbeti e vdekur në vend, pasi u godit me thikë nga partneri i saj, 37-vjeçari Ramis Mici.
Ngjarja e rëndë ndodhi në orët e para të mëngjesit të kësaj të shtune në Elbasan, në një banesë në lagjen ‘Skëndërbej’.
Të dy ishin të divorcuar dhe kishin nga dy fëmijë nga martesat e mëparshme, ndërsa pas krimit Mici është arratisur.
Ende nuk dihen shkaqet e konfliktit, por dyshohet se ata kishin mosmarrëveshje të shpeshta mes tyre. Paraprakisht, mësohet se gruaja kishte marrë një urdhër-mbrojtjeje para 5 ditësh nga Gjykata e Elbasanit.
Mësohet se para pak ditësh, kishte ndodhur një sherr mes tyre dhe 37-vjecari e kishte dhunuar bashkëjetuesen.
Ata jetonin në një shtëpi me qira në lagjen “Skënderbej”. Jetmira Elezi ishte nga qyteti i Belshit dhe të dy nuk kishin një punë të qëndrueshme.
37-vjecarja ishte e divorcuar dhe kishte nisur një lidhje me Ramizin, e cila rezultoi fatale.
Pronari i shtëpisë me qira ka treguar për mediat se viktima ishte e divorcuar dhe kishte një vajzë. Fatmirësisht e mitura nuk ka qenë e pranishme kur ka ndodhur ngjarja.
Pronari i shtëpisë ka deklaruar se vrasja ndodhi rreth orës 1:00 të mëngjesit. Ai u shpreh se Mici iku nga shtëpia i vetëm dhe ka qenë pronari që zbuloi trupin e Jetlira Elezit të shtrirë në tokë si pasojë e goditjeve me thikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
