.png)
Gazeta Si - Enkel Kërtalli është ekstraduar këtë të martë nga Spanja drejt Shqipërisë për një atentat të dështuar në vitin 2017 në Shijak.
37-vjeçari u kap në mars të këtij viti në Spanjë, pasi ishte shpallur në kërkim ndërkombëtar për vrasje të mbetur në tentativë.
Kërtalli u arrestua në qytetin e Valenicas dhe akuzohet se në vitin 2017 ka tentuar të vrasë në një atentat Dashamir Gjokën.
Ndaj makinës së Gjokës u qëllua me breshëri plumbash në vendin e quajtur “Komuna Xhafzotaj”, por automjeti i ishte i blinduar, duke bërë që asnjë plumb të mos depërtonte brenda.
"Shtetasi E. K., në gusht 2017, në Shijak, Durrës, në bashkëpunim me shtetasin M. B., ka qëlluar me armë zjarri në drejtim të automjetit që drejtohej nga shtetasi D. Gj", - thuhet në njoftimin e Interpolit.
Dashamir Gjoka ka qenë i dënuar në Itali për trafik të qënieve njerëzore. Autoritetet italiane thonë se ndër vite ai ka qenë në krye të një grupi që drejtonte një rrjet prostitucioni nga Shijaku përtej Adriatikut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
