Në Prill, 2022 eksportet e mallrave arritën vlerën 42 mld lekë, duke u rritur me 46.6% nga viti i shkuar, por me 12% rënie nga muaji paraardhës.
Importet e mallrave arritën vlerën 78 mld lekë, duke u rritur me 24%, në krahasim me një vit më parë dhe ulur me 7%, në krahasim me Mars 2022. Defiçiti tregtar i këtij muaji është 36 mld lekë, duke u rritur me 4.6%, krahasuar me Prill 2021 dhe ulur me 0.3 %, në krahasim me Mars 2022.
Në të gjithë katërmujorin, eksportet e mallrave arritën vlerën 162 mld lekë, duke u rritur me 49%, ndërkohë importet e mallrave arritën vlerën 285 mld lekë, duke u rritur me 27%, krahasuar me një vit më parë. Deficiti tregtar arriti vlerën 123 mld lekë, duke u rritur me 6 %, krahasuar me të njëjtën periudhë të 2021.
Kontributin më të madh për rritjen e eksporteve gjatë prillit, e kanë dhënë materialet e ndërtimit me 15.5% kontribut, ndjekur nga tekstilet me 12%.
Ndërsa në importe, kontributin më të madh e kanë pasur lëndët djegëse dhe energjia elektrike me 12.5%.
Në muajin Prill 2022, vendet me të cilët Shqipëria ka pasur rritje më të madhe të eksporteve, në krahasim me Prill 2021 janë: Itali (70%), Gjermani (98%) dhe Greqi (42.6 % ). Ndërsa vendet me të cilat eksportet kanë pasur uljen më të madhe, janë: Kosova ( 13%) Spanja (82%) dhe Zvicra (20%).
Në muajin Prill 2022, vendet me të cilët Shqipëria ka pasur rritje më të madhe të importeve, në krahasim me Prill 2021 janë: Italia (16.5 %), Turqia (75.2 %) dhe Greqia (37.2 %). Ndërsa vendet me të cilat importet kanë pasur uljen më të madhe, janë: Kina (10.6 %) SHBA (29 %) dhe Zvicër (3.6 %).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
