.png)
Në prill të vitit 2021, eksportet e mallrave u rritën me 92.3% krahasuar me prillin e 2020-s duke arritur në vlerën e 29 miliardë lekëve. Krahasuar me muajin parardhës, eksportet ranë me 9.5%.
Në raport vjetor, gjatë prillit 2021, importet u rritën me 72.9% duke arritur në vlerën e 63 miliardë lekëve, por ranë me 2.4% krahasuar me marsin 2021.
Në katërmujorin e parë 2021 eksportet e mallrave arritën vlerën 109 miliardë lekë, duke u rritur me 34.9%, krahasuar me një vit më parë dhe importet e mallrave arritën vlerën 225 miliardë lekëve , duke u rritur me 29.0%, krahasuar me një vit më parë.
Gjithashtu deficiti tregtar u rrit me 24% krahasuar me të njëjtën periudhë të një viti më parë dhe shkoi në vlerën e 114 miliardë lekëve.
Rritja vjetore e eksporteve u ndikua nga grupi i materialeve të ndërtimit me 28.6% kontribut, ndjekur nga tekstilet dhe këpucët me 25%.
Rritja vjetore e importeve është ndikuar nga grupi i makinerive, paisjeve dhe pjesëve të këmbimit me 22.9% dhe materialeve të ndërtimit me 13.5%.
Marrëdhënia eksportuese e Shqipërisë vlerësohet në rritje me partnerët e përhershëm si Italia (95.8%), Kosova (172.9%) dhe Gjermania (24.3%). Në rënie raportohet eksporti me Rumaninë, Ukrainën dhe Bosnjë Hercegovinën.
Marrëdhënia importuese cilësohet në rritje me Italinë me 133.3% rritje, ndjekur nga Turqia, Turqia (118.1%) dhe Kina (108.9%). Vihet re rënie shumë e madhe e produkteve të importuara nga SHBA në 0.1%.
Shkëmbimet tregtare me vendet e BE-së zënë 59.3%, të gjithë tregtisë. Në Prill 2021, eksportet drejt vendeve të BE-së zënë 68.9% të eksporteve gjithsej dhe importet nga vendet e BE-së zënë 54.9 % të importeve gjithsej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje