.png)
Të ardhurat për 7 mujorin janë rritur me 47.7 miliardë lekë krahasuar me të njëjtën periudhë të një viti më parë duke u realizuar në masën 281.4 miliardë ose 102 % të planit.
Rimëkëmbja e ekonomisë është reflektuar edhe në tregun e punës, ku sipas të dhënave, numri i të punësuarve në qershor 2021 arriti në 710,464 persona, nga 667,761 persona që ishte në qershor 2020.
Të ardhurat doganore për shtatë muajt e parë u rritën me 19.4 miliardë lekë ose 23.5% më shumë se 7-mujori i vitit të kaluar.
Ndikimin më të madh në rritje krahasuar me 7-mujorin e vitit 2020 e kanë dhënë të ardhurat nga importi i karburanteve, automjetet e përdorura, metalet bazë dhe artikujt prej tyre, cigaret, veshje dhe tekstile dhe materialet e ndërtimit, me efekt +11.3 miliardë lekë si rezultat i rritjes së sasisë së importuar dhe ndryshimit të çmimit.
Të ardhurat nga TVSH në import për 7-mujorin rezultojnë 68.3 miliardë lekë, 14.3 miliardë lekë ose 26.4% më shumë se një vit më parë.
Ndër produket me efekt negative renditen energjia elektrike, mielli dhe gruri, sheqeri, fruta –perime dhe telefona celularë, me një efekt -0.6 miliardë lekë.
Të ardhurat tatimorepër 7- mujorin 2021 u realizuan në masën 141.5 miliardë lekë, 19.7 miliardë duke u rritur me 16.2% më shumë se 7- mujori i vitit të kaluar ndërsa të ardhurat nga TVSH e arkëtuar (bruto) u rritën me 29.1% më shumë se 7-mujori 2020.
Sektorët me kontributin më të madh krahasuar me 7- mujorin e vitit 2020 janë sektori i tregtisë, ndërtimit dhe sektori i prodhimit.
Të ardhurat e mbledhura nga kontributet për sigurimet shoqërore dhe shëndetësore u realizuan në masën 61.9 miliardë lekë, 7.6 miliardë lekë ose 14.1% më shumë se 7- mujori 2020.
Nga analiza e numrit të të punësuarve të deklaruar për muajin qershor të këtij viti rezulton rritje me 30,314 vende pune ose 4.7% më shumë krahasuar me të njëjtën periudhë të vitit të mëparshëm.
Shpenzimet e përgjithshme publike, në 7- mujorin e vitit 2021, arritën në rreth 311.3 miliard ndërsa krahasuar me të njëjtën periudhë të vitit 2020 ky zë ka rezultuar 10% më i lartë ose rreth 28.2 mld LEK më shumë.
Niveli i deficitit për periudhën 7- mujore të vitit 2021 rezultoi në rreth 29.9 miliardë lekë, ose rreth 19.5 miliardë lekë më pak se e njëjta periudhë e një viti më parë.
Për periudhën 7- mujore niveli i deficitit rezulton 64.4% e planit të periudhës prej rreth 46.4 miliardë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje