Janë eliminuar surprizat në raundin e parë të ndeshjeve në Europa League. Skuadrat e mëdha nuk kanë gabuar dhe kanë marrë tre pikët e para dhe pjesa më e madhe e ndeshjeve janë mbyllur me disa gola.
Ndër rezultatet surprizë që mund të veçohen ishte barazimi i Villareal me Rangers. Spanjollët kanë dominuar për pjesën më të madhe të takimit, por në fund janë detyruar të kënaqen me barazim 2-2 përballë skocezëve. Në këtë ndeshje, lojtari i kombëtares shqiptare Eros Grezda, ka qëndruar për gjatë gjithë kohës në stol, duke mos u aktivizuar për asnjë minutë. Surprizë ka qenë edhe humbja e Marselie me Frankfurtin në shtëpi në shifrat 1-2.
Sakaq pretendentët e mëdhenj të këtij kompeticioni, si Milan, Arsenal, Sevilla Lazio apo Chelsea kanë marrë fitore. Ajo që duket se vuajti më shumë ishte Lazio, që mundi në shifrat 2-1 në shtëpi modestët e Apollon. Por jo më pak e lehtë ishte fitorja e Chelsea në Greqi me PAOK. Londinezët kanë marrë tre pikët me një fitore minimale 0-1.
Nga ana tjetër Arsenal nuk ka vuajtur aspak në këtë debutim në Ligën e Europës. “Topçinjtë” kanë triumfuar me rezultatin 4-2 përballë ukrainasve të Vorskla Poltava. Me këtë fitore skuadra e Emeri konfirmohet si një nga ekipet që do të kërkojë të ngrejë trofeun në muajin maj të vitit të ardhshëm. Edhe Milan ka fituar në këtë debutim për këtë edicion në Europa League. Kuqezinjtë kanë fituar në shifrat minimale 0-1përballë modestëve të Dudelange.
Ndërkohë edhe Sevilla ka marrë një fitore shumë të thjeshtë në shtëpi përballë Standard Liege me rezultatin 5-1.
Më poshtë tabela e plotë e rezultateve të ndeshjeve të para të Europa League:
Akhisar Genclik Spor 0-1 Krasnodar
Besiktas 3-1 Sarpsborg 08
Dyn. Kyiv 2-2FC Astana
Genk 2-0 Malmo FF
Lazio 2-1 Apollon
Marseille 1-2 Eintracht Frankfurt
MOL Vidi 0-2 BATE
PAOK 0-1 Chelsea
Rapid Vienna 2-0 Spartak Moscov
Rennes 2-1 Jablonec
Sevilla 5-1 Standard Liege
Villarreal 2-2 Rangers
AEK Larnaca 0-1 Zurich
Arsenal 4-2 Vorskla Poltava
Celtic 1-0 Rosenborg
D. Zagreb 4-1 Fenerbahce
Dudelange 0-1 AC Milan
FC Copenhagen 1-1 Zenit Petersburg
Ludogorets 2-3 Bayer Leverkusen
Olympiakos Piraeus 0-0 Betis
RB Leipzig 2-3 Salzburg
Slavia Prague 1-0 Bordeaux
Sporting 2-0 Qarabag
Trnava 1-0 Anderlecht
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
