Gazeta Si – Pak ditë më parë Vllaznia i shpëtoi humbjes në shtesë ndaj Egnatias. Ishte gjysmëfinalja e parë e Kupës së Shqipërisë dhe barazoi 1-1, ndërsa sot, për javën e 31-të të kampionatit, shkodranët nuk kishin asnjë shans.
Egnatia ka dhënë leksione futbolli në tempullin e Vllaznisë, në ‘Loro Boriçi’, duke fituar me rezultatin e thellë, 0-4. Nuk ka nevojë për shumë komente. Mëllugja shtantu Vllazninë në pjesën e parë me golin e avantazhit, në të dytën, kur pritej reagimi i ekipit të Sedloskit, Egnatia realizoi 3 gola të tjerë me Duamena dhe dy breazilianët Fernando dhe Laurentino.
Një humbje tupëruese kjo për Vllazninë, që nuk po arrin ta gjejë ‘ilaçin’ e krizës. Egnatia forcon pozitat e saj në vend të 3-të dhe Kupat e Europës janë shumë afër për ekipin rrogozhinas.
Tirana ka vuajtur jo pak për të mundur 1-0 Kastriotin e vendit të fundit. Vetëm në shtesë kryeqytetasit gjetën golin e fitores me Hilën. Elbasanasi shënoi me kokë dhe Tirana i gëzohet fitores së 4-t radhazi në kampionat, që e mban atë të shkëputur me 5 pikë nga Partizani vendi i vendit të dytë.
Kukësi dhe Teuta barazuan 0-0 sot, duke ndarë nga një pikë në garën për mbijetesë në Superiore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
