.png)
Gazeta Si – Pas derbit të së mërkurës mes Tiranës dhe Partianit, ku fituan të kuqtë, Superiorja ka vazhduar sot me tri ndeshje të tjera, Erzeni-Bylis 1-1, Kastrioti-Egnatia 2-3 dhe Vllaznia-Teuta 4-0. Spikat fitorja e rrogozhinasve, të cilët këtë sezon janë surpriza më e bukur, të paktën deri tani.
Egnatia ka treguar forcën e sja në fitoren me përmbysje ndaj Kastriotit, pasi e ka bërë këë gjë me 10 lojtarë. Agkbepornu u ndëshkua me karton të kuq pa u mbyllur pjesa e parë e ndeshjes. Krutanët udhëhiqnin 2-1, por skuadra e Duros, edhe pse në inferioritet numerik, shënoi 2 herë me Fernando dhe Delarge.
Me këtë fitore Egnatia e mbyll vitin në vend të 3-të, që do të thotë pjesëmarrje në Kupat e Europës. Rrogozhinasit kanë lënë pas emra të mëdhenj të elitës, jo vetëm Kukësin dhe Teutën që ndajnë fundin e tabelës, por edhe Vllazninë dhe Laçin. Një ecuri për t’u përshëndetur kjo e skuadrës rrogozhinase.
Bylisi ishte shumë afër fitores ndaj Erzenit, pasi kryesonte deri në minutat e fundit, por shijakasit barazuan dhe dy skuadrat ndanë nga një pikë.
Vllaznia ka fituar me lehtësi ndaj Teutës, 4-0. Vetë rezultati flet qartë për dominimin e shkodranëve, të cilët shënuan me Hakajn, dy herë me brazilianin Kaina dhe Hoxhajn.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje