.png)
Regeneron Pharmaceuticals Inc tha të hënën një dozë e vetme e koktejit të saj të antitrupave uli rrezikun e kontraktimit të COVID-19 me 81.6% në periudhën dy deri në tetë muaj pas administrimit të ilaçit në një provë në fazën e tretë. “Rezultatet treguan se terapia me antitrupa, REGEN-COV, ka potencialin të sigurojë imunitet afatgjatë nga infeksioni COVID-19,” tha Myron Cohen, i cili drejton përpjekjet e antitrupave monoklonale për Rrjetin e Parandalimit të COVID-19 të sponsorizuar nga Instituti Kombëtar i Shëndetit i SHBA.
Kompania tha se një imunitet i tillë është veçanërisht i rëndësishëm për njerëzit me imunitet të kompromentuar dhe ata që nuk reagojnë ndaj vaksinave.
Terapia kishte treguar më parë një ulje të rrezikut prej 81.4% gjatë muajit të parë pas administrimit.
“Gjatë periudhës 8-mujore të vlerësimit, nuk ka pasur shtrime në spital për Covid-19 në grupin REGEN-COV, por në grupin placebo janë regjistruar gjithsej 6 incidente të tilla, tha Regeneron.
Rregullatori shëndetësor i SHBA-së në korrik zgjeroi autorizimin e REGEN-COV për të mundësuar përdorimin e tij si një trajtim parandalues te njerëzit e ekspozuar ndaj individëve të infektuar dhe ata në rrezik të lartë të një ekspozimi të tillë në mjedise të tilla si shtëpitë e pleqve ose burgjet.
Ajo u autorizua në Shtetet e Bashkuara nëntorin e kaluar për të trajtuar njerëzit me sëmundje të butë deri në mesatare COVID-19.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
