Gazeta Si – Një polic i FNSH-së ka plagosur me armë zjarri një 60-vjeçar në zonën e Kombinatit mbrëmjen e të hënës për arsye banale.
Policia e Tiranës ka arrestuar efektivin Lutfi Gyli, i cili në gjendje të dehur ka plagosur në këmbë Murteza Likën.
Ngjarja ka ndodhur rreth orës 20:45 në një bar kafe, teksa Lika është paraqitur në spital për të marrë ndihmë mjekësore, pasi u qëllua me armë zjarri në këmbën e majtë.
Ai ndodhet nën kujdesin e mjekëve jashtë rrezikut për jetën.
Policia thotë se të dy kanë qenë të ulur në të njëjtën tavolinë kur ka nisur konflikti.
Sa i përket motiveve, ato momentalisht nuk janë të njohura. 48-vjeçari Lutfi Gjyla mësohet se kishte rreth 25 vite punonjës policie.
Ai u arrestua në flagrancë për veprën penale “Plagosje e rëndë me dashje” dhe aktualisht ndodhen në dhomat e sigurisë në DVP Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
