.png)
Nga dita që hyri në fuqi akti normativ për mbajtjen e maskave edhe në mjediset e hapura, ministrja e Kulturës, Elva Margariti nisi të sensibilizonte në mënyrë të veccantë, duke postuar fotografi të veprave të artit pamor, me maska.
“Nuk ka asgjë më të shtrenjtë se jeta! Në këto kohëra të vështira duhet të kujdesemi më shumë për veten dhe njëri-tjetrin! Respekto protokollet e shëndetësisë! Mbaj maskë!
Sepse kryevepra është jeta! “, shkruhej në faqen e Facebook-ut të Ministrisë së Kulturës mbi tablonë “Kallmetorja” të piktorit Zef Shoshi, një vepër e vitit 1984 dhe pjesë e koleksionit të Galerisë Kombëtare të Arteve.
Por jo vetëm piktura dhe skulptura shqiptare, të ekspozuara në GKA në ekspozitën “Arkivi i Hapur”, por edhe muzetë në botë po përdorin kryeveprat e fondeve të tyre për të ndërgjegjësuar shoqërinë në mbajtjen e maskave, si masë anti-Covid.
Muzeu Fitzwilliam në Kembrixh, të Anglisë ka prezantuar edicionin “Kryeveprat 2020” , me pesë piktura të mirënjohura, të cilave u janë shtuar maskat mbrojtëse.
“Shoqëruesja e Nuses” nga John Everett Millais mban një maskë me lule, që kombinohet me fustanin e mëndafshtë, ndërsa “Bijat”, përgatiten për të dalë me laron e tyre besnik.
Këto edicione u shitën si kartolina për të mbështetur muzeun në humbjet që pësoi, gjatë mbylljes.
Venera dhe Kupidi me një lahutar, vepër e Titanit më 1555-1565, i është dhënë një ndryshim modern. “Kjo gamë e veçantë jep një perspektivë unike mbi jetët aktuale përmes artit që njohim dhe dashurojmë.
“Zgjuarsia është se drejtimi artistik për maskat është i qëndrueshëm me stilin e secilës pikturë. Muzeu Fitzwilliam, që koleksion ekzemplarë të arteve të bukura , është më shumë se 200 vjeçar.
Është emërtuat në nder të Viskontit Fitzwilliam, i cili la artin dhe bibliotekën e tih bashkë me një shumë parash për t’i strehuar ato në universitetin Kembrixh, më 1816-n.
Pandemia e ka rritur kreativitetin në të gjithë botën, ku në Kanada një 9 –vjeçar gjatë izolimit nisi të rikonceptojë pikturat e famshme me maska kirurgjikale, ndërsa në internet gjejmë të riimagjinuar autoportretin e Van Gogh, i cili mban një maskë me pikturën e tij të famshme “Natë me yje”.
Artisti Ertan Atay është përpjekur të imagjinojë nëse gjigantët e pikturës, shpirtra të lirë artistikë, do të t’i kishin mbajtur maskat në kohë pandemia.
Caravaggio, vjen me një maskë të Bakut, piktura që daton nga 1595, Edward munch, mban të famshmen “Ulërimë” , Klimt “Puthjen”, Frida Kahlo me “Dy Fridat” e saj
Kryevepra e Da Vinci “Mona Lisa” rivizitohet duke u quajtur nga një artist lojcak si “Corona Lisa”, e cila në imagjinatën e turkut Hayati Evren, pi birrë me pipëz përmes një vrime në maskën kirurgjikale.
Por ndërsa muzetë dhe galeritë janë hapur prej muajsh, vizitorëve kudo u kërkohet të respektojnë protokollet anti-covid, me mbajtjen e maskave dhe kapaciteti është i reduktuar ndjeshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
