Pas Shqipërisë, edhe Kosova ka vendosur të shtyjë nisjen e shkollës për shkak të rritjes së rasteve me Covid-19.
Viti i ri shkollor 2020/2021 do të shtyhet për datën 13 shtator, tha kryetari i Asociacionit të Komunave të Kosovës, Sazan Ibrahimi, pas takimit me ministrin e Shëndetësisë, Arben Vitia.
Fillimi i vitit të ri shkollor në Kosovë pritej të niste më 1 shtator.
“Për shkak të përkeqësimit të situatës epidemiologjike në vend dhe rritjes së numrit të të infektuarve me koronavirus, sidomos te moshat 0-19 vjeç, Qeveria do marrë vendim për shtyrje të fillimit të vitit të ri shkollor”, tha Ibrahimi për Radion Evropa e Lirë.
Në lidhje më masat e paralajmëruara, Ibrahimi tregoi se përfaqësues të komunave kanë kërkuar nga Ministria e Shëndetësisë që të shtohen inspektimet në nivel komunal dhe të ketë më shumë qendra të vaksinimit.
Masat e paralajmëruara janë vendosja e orës policore nga 22:00 deri në 05:00 të mëngjesit dhe shkurtimi i orarit të punës për restorantet deri në iorë21:30 duke funksionuar vetëm me hapësirat e jashtme. Në qendrat tregtare gastronomia nuk do të funksionojë fare, kurse sallat e dasmave, klubet e natës, kinematë dhe të tjera do të vazhdojnë të jenë plotësisht të mbyllura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
