Ditën e shtunë bëri mjaft bujë pezullimi nga BBC i legjendës së futbollit britanik, Gary Lineker. Ky i fundit kritikoi qeverinë në lidhje me politikën e migracionit. Kështu, gjigandi mediatik pas fjalëve të Lineker vendosi ta pezullojë me justifikimin se ish-futbollisti do të duhej të qëndronte i distancuar çështjet partiake apo politike.
Megjithatë, ky vendim ka zgjatur për vetëm një ditë pasi së fundmi drejtori i përgjithshëm i transmetuesit britanik Tim Davie bëri një hap pas dhe tërhoqi vendimin mbi Lineker. Nga ana tjetër, Davie kërkoi të qartësonte se vendimi mbi pezullimin e Lineker nuk kishte ardhur si pasojë e një presioni politik.
Vlen të theksohet se një pjesë e madhe e opinionit në Britani ishte në anën e Lineker duke e cilësuar vendimin për Lineker si të gabuar dhe jo korrekt me arsyetimin se çdokush ka të drejtë të shprehë mendimin e tij i lirë dhe i pandikuar. Me Lineker u solidarizuan edhe dy ish-kolegë të tjerë në BBC: Ian Wright dhe Alan Shearer. Ata vendosën të mos merrnin pjesë në programin televiziv. (Supersport)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
