Gazeta Si – Leçe kërkoi tri penallti, Fiorentina proteston për golin e avantazhit të Bolonjës, kurse në Torino është kaos total për pozicionin e Bonuçit, që solli anulimin e golit të fitores të shënuar nga Milik. VAR-i në një ditë të tmerrshme.
Nga 6 ndeshje të luajtura, 3 kanë pasur shumë polemika për gjykimin deh sidomos për VAR-in. E diela që shkoi do të kujtohet veçanërisht për golin e anuluar të Milik në Juventus-Salernitana, për çështjen Bonuçi-Kandreva. Por edhe Leçe-Monca dhe Bolonja-Fiorentina patën probleme.
Në ‘Via del Mare’ vendësit kanë reklamuar dy penallti të padhëna, por edhe miqtë një të tillë, ndërsa në Bolonja është Fiorentina që pretendon se goli i dytë i ekipit vendës duhej anuluar.
Rrëmuja e madhe që u bë në fund të Juventus-Salernitana, e mbyllur 2-2, do të diskutohet gjatë. Diskutimi lidhet me pozicionin aktiv ose jo të Bonuçit të goli i Milik për 3-2. Rregullorja thotë se “një lojtar në pozicion jashtë loje dënohet kur tenton qartë të kapë topin”.
Për arbitrin Marçenaro, kapiteni i Juventusit është aktiv në aksion, pasi tenton të gjuajë me kokë, por problemi i vërtetë ka dalë pas imazheve që tregojnë se Kandreva, afër goditjes së këndit, mban në pozicion të rregullt mbrojtësin bardhezi.
Nuk janë imazhet zyrtare të VAR-it, por foto që kanë mbushur rrjetet sociale pas ndeshjes. Foto që i kanë postuar në profilet e tyre edhe Milik e Kuadrado, të cilët e konsiderojnë të pabesueshëm vendimin e VAR-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
