.png)
Gazeta Si – Dy vëllezër janë arrestuar në Tiranë për ngjarjen e ndodhur një ditë më parë në Yzberisht, ku kanë dhunuar një 41-vjeçar për motive të dobëta dhe më pas i vodhën makinën.
Policia thotë se në pranga kanë rënë Bledar dhe Endri Hysaj, të cilët në garazhin e një pallati kanë rrahur qytetarin I.Zh.
Pas denoncimit në komisariatin nr.6, policia ndërhyri për të arrestuar dy autorët e dhunës ndaj 41-vjeçarit. Mjeti tip “Golf”, të cilin ia kishin vjedhur, u gjet pranë banesës së dy vëllezërve.
Materialet procedurale iu referuan Prokurorisë së Tiranës, për veprime të mëtejshme, për veprën penale “Vjedhja me dhunë”, kryer në bashkëpunim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
