.png)
Gazeta Si – Një 46-vjeçare u arrestua në Durrës pas operacionit policor të koduar “Arachne”, e cila rezulton e dënuar nga drejtësia italiane me mbi 13 vite burg.
Në pranga ka rënë Edisnarda Shapka, e njohur edhe me emrin Edisnajda Shapka, banuese në Durrës. Ajo ishte në kërkim ndërkombëtar, pasi është dënuar nga Gjykata e Apelit të Bolonjës, Itali, me 13 vjet e 6 muaj burg për trafikim të lëndëve narkotike dhe pjesëmarrje në organizatë kriminale.
Ndaj 46-vjeçares, Gjykata e Juridiksionit të Përgjithshëm Durrës ka caktuar masën e sigurimit “Arrest në burg”, në funksion të njohjes dhe ekzekutimit të vendimit të drejtësisë italiane.
Operacioni “Arachne” është pjesë e një sërë aksionesh të pandërprera të Policisë së Shtetit për kapjen e personave me rrezikshmëri të lartë shoqërore dhe për vendosjen përpara drejtësisë të shtetasve të shpallur në kërkim ndërkombëtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
