.png)
Gazeta Si – Në të tilla raste thuhet: është një sugjestion. Po çfarë sugjestioni! Barak Obama është përfshirë në një konsorcium, që kërkon të blejë Phoenix Suns. Gjatë një podkasti ish-gazetarit sportiv dhe themeluesi i sitit “The Ringer”, Bill Simmons, po fliste për pronësinë e skuadrave të NBA-së me Çarls Barklein, kur lëshoi ‘bombën’.
“Kam dëgjuar se Obama bën pjesë në një grup investitorësh që synojnë të marrin Phoenix”. Barklei, ylli i Suns nga 1992-shi në 1996-ën, shfrytëzoi menjëherë rastin: “Nëse më thërret Obama, do t’i thosha: ‘Po, ta marrë dreqi’. E admiroj shumë atë njeri”.
Ai njeri është 61 vjeç, u zgjodh president i SHBA-ve në nëntor të 2008-ës dhe qëndroi në Shtëpinë e Bardhë deri në 2016-ën. Ka thënë gjithmonë se e dashuron basketbollin, por ka një problem, bën tifo për Çikago Bulls.
“Paguhem mirë, por nuk kam 4 miliardë dollarë”, – ka thënë Barklei. Kjo është shifra që flitet se duhet për t’ia marrë skuadrën Robert Sarver, aksionerit në mazhorancë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
