Drejtor i IKMT-së në qarkun e Dibrës, është arrestuar këtë të premte në kuadër të operacionit të koduar “Bankomati” në drejtimin e SPAK-ut.
Lutfi Miftari, 56 vjeç, akuzohet se ka marrë rryshfet. Gjithashtu është arrestuar edhe Eljo Elezi, 34 vjeç, banues në Tiranë, adminstrator i kompanisë “H4 CHROM’, që operon në fushën minerare në qarkun Dibër.
Sipas policisë, arrestimi i këtyre personave u bë pasi shtetasi L.M, në cilësinë e Drejtorit të IKMT, në Qarkun e Dibrës, ka abuzuar me detyrën duke marrë ryshfet nga shtetasi E. E, adminstratori i kompanisë, shumën prej 50.000 lekë të rinj, për të mos filluar procedurën për shkeljen e konstatuar tek ky subjekt nga grupi i kontrollit për mungesën e dokumentacionit, si lejen mjedisore e dokumente të tjera.
Gjatë kontrollit të banesës së drejtorit të IKMT, policia gjeti dhe sekuestroi në cilësinë e provës materiale 29.500 euro, 1300 Dollarë dhe 896.000 lekë të rinj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
