Gazeta Si – Djali i 7 herë kampionit të botës, Mikael Shumaker, ka marrë masat për sediljen e makinës së skuadrës nga Shtutgarti. Do jetë piloti rezervë i Hemilton dhe Rasëll, por edhe i Norris dhe Piastri.
Ditët e para të shkollës për Mik Shumaker te Mercedesi. Piloti gjerman, djali i kampionit të madh, është prezantuar me makinën Mercedes dhe ka bërë veprimet rutinë të marrjes së masave të sediljes. Mik nuk rinovoi me Has në fund të sezonit që shkoi. Ai ka kaluar te Mercedesi si pilot rezervë dhe do të mbështesë Ljuis Hemiltonin dhe Xhorxh Rasëllin.
.@SchumacherMick's first Merc seat fit. ✅ pic.twitter.com/8Ze8nApFrr
— Mercedes-AMG PETRONAS F1 Team (@MercedesAMGF1) January 31, 2023
Shumaker ka debutuar në F.1 me makinën Has në 2021-shin dhe ka vazhduar deri në 2022-shin, por për sezonin e ri vendin e tij e zuri Niko Hulkenberg. Mik do të bëjë pilotin rezervë edhe te MekLaren, që e ka zyrtarizuar tashmë gjermanin në këtë rol.
Mercedesi ka postuar fotot e makinës dhe Mik Shumakerit të buzëqeshur, teksa merrte masat për sediljen e personalizuar. Një moment që ka risjellë kujtimet e të atit, që ka garuar me ‘Shigjetat e argjendta’ nga 2010-a në 2012-ën. “Jam entuziast që jam pjesë e Mercedesit, – ka thënë Mik. – Do të bëj maksimumin. Po e marr si një fillim të ri, jam entuziast dhe i jam mirënjohës Toto Volf e gjithë të tjerëve që patën besim tek unë.
McLaren will be able to call on @SchumacherMick as a reserve driver during the 2023 F1 season as part of our arrangement with Mercedes. Welcome to the family, Mick. 👊🧡 pic.twitter.com/DNiJ5s99rQ
— McLaren (@McLarenF1) February 1, 2023
Formula 1 është një botë kaq tërheqëse, nuk përfundon kurrë së mësuari, mezi pres të marr më shumë njohuri dhe të jap gjithçka për të mirën e Mercedesit”.
Shpresat e Mik Shumaker janë që të ketë mundësinë të gjejë një tjetër sedilje në F.1, duke qenë i lidhur me një nga tre ‘top team’, edhe pse në rolin e pilotit rezervë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
