.png)
Gazeta Si – Dy shpërthime me tritol kanë ndodhur në oët e para të mëngjesit në Shkodër dhe Fushë Krujë këtë të premte, ku nuk ka persona të lënduar, por vetëm dëme materiale.
Në Shkodër, është vendosur tritol ndaj një makine në pronësi të 37-vjeçarit Alban Bushati, e cila ishte parkuar në rrugën “Martin Camaj” në lagjen “Partizani”.
Mësohet se nga ngjarja nuk ka të lënduar, por vetëm dëme materiale. Policia ka shkuar në vendin e ngjarjes dhe ka nisur hetimet për të zbuluar shkaqet dhe rrethanat e plota të saj. Sipas policisë, lënda plasëse është vendosur tek goma e parë e makinës, duke e dëmtuar atë pjesërisht.
Ndërkohë po sot, në orët e para të mëngjesit, në Fushë-Krujë, janë dëmtuar, dyshohet me lëndë plasëse xhamat e fasadës së jashtme të lokalit në pronësi të shtetasit B.T., informoi sot policia e Tiranës.
Grupi Hetimor nën drejtimin e Prokurorisë vijon punën për sqarimin e rrethanve të ngjarjes, identifikimin dhe kapjen e autorit/ve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
