Gazeta Si – Një pasuri me vlerë rreth 2 milionë euro, është sekuestruar nga Policia në Tiranë, e cila dyshohet se vinte nga veprimtari kriminale.
Pasuritë, e luajtshme dhe të paluajtshme, janë në ngarkim të një 34-vjeçari, i cili përdorte tre emra, Stivens Alku, Geralf ose Serxho Kadriu.
Ky shtetas është ndaluar më parë nga autoritetet e policisë në Gjermani dhe Holandë, si i dyshuar për veprat penale “Prodhimi dhe shitja e narkotikëve” dhe “Pastrim parash”.
Pasuritë e sekuestruara janë një ndërtesë (vilë), së bashku me një sipërfaqe trualli, në Palasë, Vlorë; një ndërtesë (vilë) në Sauk; një apartament në Rrugën e Elbasanit; dy sipërfaqe toke në Sauk; 4 automjete dhe 20% të aksioneve të një biznesi privat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
