Gazeta Si - Deputeti i Partisë Socialiste, Jurgis Çyrbja dhe ai i Partisë Demokratike, Isuf Çela jnë paraqitur mëngjesin e kësaj të marte në SPAK për dy çështje të ndryshme nga njëri-tjetri.
Sipas burimeve, Çyrbja do të japë deklarime në organin e akuzës në lidhje me një kallëzim të bërë nga Edi Paloka, gjatë kohës që deputeti mbante pozicionin e kreut të hipotekës së Durrës.
Drejtuesi politik i qarkut të Durrësit, Edi Paloka dërgoi 3 vite më parë në SPAK deputetin soialist, i akuzuar për “shpërdorim detyre”. Në atë kohë Paloka tha se Çyrbja akuzohet mbivendosje prone, pasi brenda një dite ka firmosur dy praktika për të njëjtën pronë.
Në të njëjtën kohë, Paloka tha se disa ditë para zgjedhjeve të 25 prillit 2021, Çyrbja ka qenë i pranishëm në Kadastrën e Durrësit duke shpërndarë certifikata dhe legalizime, njësoj sikur të ishte ende drejtor Hipoteke.
Ndërkohë, pak pas soacialistit, deputeti demokrat, Isuf Çela është paraqitur në Prokurorinë e Posaçme, por ende nuk dihen arsyet e thirrjes së tij.
Sipas burimeve, Çela lakohet në bisedat në "Sky Encro", duke i cituar se ishte i afërm i një IT, i cili kishte refuzuar ndërhyrjet për të paracaktuar shortin.
Ai do japë qëndrimin e tij, nëse kishte apo jo njohje me personazhet qe e përmendin si të afërm të IT-së Gjykatës së Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.