Gazeta Si – Dy aksidente tragjike me dy viktima kanë ndodhur brenda pak orësh në Durrës dhe Kavajë. Në orët e para të mëngjesit të kësaj të premteje, një 50-vjeçar, i cili lëvizte me biçikletë ka humbur jetën si pasojë e një aksidenti në Unazën e Shkozetit në Durrës.
Policia njofton se automjeti që drejtohej nga 32-vjeçari me iniciale A.G., ka përplasur 50-vjeçarin.
Ndërkaq, shoferi i automjetit është shoqëruar në ambientet e Komisariatit, për kryerjen e veprimeve të mëtejshme procedurale.
Ndërsa mbrëmjen e të enjtes, një i ri humbi tragjikisht jetën në Kavajë si pasojë e një aksidenti me makinë. Burime zyrtare të policisë thanë se ngjarja ndodhi në aksin rrugor “Gosë-Vilë Bashtovë”.
Viktima është një 28-vjeçar me iniciale B.Th., i cili dyshohet se humbi kontrollin mbi drejtimin e automjetit dhe doli nga rruga, duke rënë në kanal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
