.png)
Këngëtarja shqiptare, Dua Lipa ka dominuar mbrëmjen e së martës në ‘Brit Awards’ duke fituar dy çmime të rëndësishme.
Dua u shpërblye fillimisht për çmimin “Artistja më e mirë solo e vitit”, e më pas fitoi edhe një nga çmimet më të rëndësishme të mbrëmjes, “Albumin më të mirë të vitit”, “Future Nostalgia”.
“Faleminderit shumë është një nder që të jem këtu dhe përsëri në skenë. Herën e kaluar kur kam qenë këtu në vitin 2018 kam thënë që dëshiroj që të shoh më shumë gra në këtë skenë dhe tri vite më vonë jam shumë e lumtur që po e shoh këtë”, ka theksuar Lipa pas marrjes së çmimit.
E ndërsa ka pranuar trofeun e dytë për albumin e saj “Future Nostalgia”, ajo shprehet se ky album i ka mësuar vetëbesimin, fuqinë e kurajën.
“Nuk po më besohet që kjo po ndodh. Ky album ka shumë kuptim për mua dhe faleminderit të gjithë atyre që e kanë dëgjuar. Ky album më ka mësuar shumë si vetëbesimin, fuqinë, kurajën dhe më ka dhënë shumë dashuri dhe miqësi. U jam shumë falënderuese njerëzve të mrekullueshëm me të cilët kam punuar dhe kam krijuar një album të tillë”, ka thënë Lipa gjersa ka pranuar trofeun e dytë në këtë ceremoni.
Gjithashtu në fjalimin e saj, Dua Lipa i bëri thirrje kryeministrit britanik Boris Johnson që të realizojë propozimin e tij për t’i rritur pagat punonjësve që janë në vijën e parë gjatë kësaj pandemie.
“Mendoj se ajo që ne duhet të bëjmë sonte është një duartrokitje e madhe dhe të dërgojmë një mesazh Borisit (kryeministër britanik” që të mbështes dhe të këtë një rritje page për punëtoret e vijës së parë shëndetësore në Britani”, ka thënë Dua.
Këtë vit, Lipa pati tri nominime, ndër të cilat edhe për këngën më të mirë me hitin “Physical”.
E lumtur për këto arritje të 24-vjeçares shqiptare është shprehur edhe presidentja e Kosovës, Vjosa Osmani, e cila ka uruar këngëtaren përmes një postimi në rrjetin social “Twitter”.
“Urime yllit tonë për dominimin në Brits 2021 natën e kaluar! Albumi i saj i fundit erdhi në një kohë të vështirë për shumë njerëz dhe ajo meriton mirënjohje për gëzimin që muzika e saj ka sjellë në të gjithë botën. Me dashuri nga Kosova”, ka shkruar Vjosa Osmani në Twitter.
Brits Award njihet si mbrëmja më e madhe muzikore e ndarjes së çmimeve në Mbretërinë e Bashkuar.
Aktiviteti më i madh britanik i zhvilluar në “London’s O2 Arena” pati një audiencë prej 4000 spektatorësh dhe pa distanca sociale apo maska për fytyrën.
Lista e plotë e fituesve në “Brit Awards 2021”
Artisti më i mirë
AJ Tracey
Headie One
J Hus — FITUES
Joel Corry
Youngblud
Artistja më e mirë
Arlo Parks
Celeste
Dua Lipa — FITUESE
Jessie Ware
Lianne La Havas
Grupi më i mirë
Bicep
Biffy Clyro
Little Mix — FITUESE
The 1975
Young T & Bugsey
Depërtimi më i mirë i vitit
Arlo Parks — FITUES
Bicep
Celeste
Joel Corry
Young T & Bugsey
Albumi më i mirë
Arlo Parks, “Collapsed In Sunbeams”
Celeste, “Not Your Muse”
Dua Lipa, “Future Nostalgia” — FITUESE
J Hus, “Big Conspiracy”
Jessie Ware, “What’s Your Pleasure?”
Këngëtarja më e mirë ndërkombëtare
Ariana Grande
Billie Eilish — FITUESE
Cardi B
Miley Cyrus
Taylor Swift
Këngëtari më i mirë ndërkombëtar
Bruce Springsteen
Burna Boy
Childish Gambino
Tame Impala
The Weeknd — FITUES
Grupi më i mirë ndërkombëtar
BTS
Fontaines D.C.
Foo Fighters
Haim — FITUES
Run The Jewels
Single më i mirë
“Rain,” AJ Tracey and Aitch feat. Tay Keith
“Don’t Need Love,” 220 Kid and Gracey
“Physical,” Dua Lipa
“Head & Heart,” Joel Corry feat. MNEK
“Watermelon Sugar,” Harry Styles — *FITUES
“Ain’t It Different,” Headie One feat. AJ Tracey and Stormzy
“Lighter,” Nathan Dawe feat. KSI
“Secrets,” Regard and Raye
“Rover,” S1mba feat. DTG
“Don’t Rush,” Young T & Bugsey feat. Headie One.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
